عبارة عن مجلد بأبعاد 22 × 30 سنتيمتر مكون من 485 ورقة ويحتوي علي :



1- شرح لبرامج هندسية :

- داخل محتوي الكتاب يوجد شرح لبرنامج الرسم الهندسي الشهير AutoCAD

- بالاضافة الي شرح لبرنامج التحليل الانشائي Sap2000

- شرح لبرنامج تصميم الاعمدة و الحوائط الخرسانية CSI Column

- مقدمة في استخدام برنامج Excel



2- شرح محتوي علمي باسلوب و طريقة عمل مهنية :

- جمعنالك كم كبير من المعلومات اللي بتستخدمها في التصميم الانشائي باستخدام الكود المصري لكل من الاعمدة و البلاطات الكمرية و البلاطات اللا كمرية و الاساسات و كمان في مقاومة الاحمال الجانبية من رياح و زلازل

- لخصنالك اهم شروط و قوانين في الكود و من واقع التنفيذ و كل الاشتراطات و الملحوظات المهمة اللي تاخد بالك منها و انت بتصمم

- احنا كمان هنعلمك ازاي تصمم الاسقف الكمرية واللا كمرية و تحديد سمك البلاطات طبقا لاشتراطات الكود من ترخيم و من حد ادني لسمك البلاطات و مجموعة متنوعة من الملحوظات المتعلقة بالاسقف مستخلصة من واقع العمل

- احنا كمان هنعلمك تصمم الكمرات و حساب قدرة تحمل الكمرات من عزوم باختلاف قيم حديد التسليح الرئيسي و ابعاد الكمرات و عمل تحقيق لاجهادات القص عليها و عزوم الالتواء ان وجدت و ايضا جميع الملحوظات المتعلقة بجداول تسليح الكمرات مستخلصة من واقع العمل

- شرحنالك الوصلات في الحديد و حساب طول الوصلات الكافية في العناصر المعرضة لضغط او شد او الوصلات في الحديد الثانوي و طريقة رسم تسليح الكمرات باستخدام طريقة الـ Moment Of Resistant

- كمان هتتعلم ازاي تعمل تصميم للاعمدة كاملا سواء كانت معرضة لقوي محورية فقط او قوة محورية و عزوم في اتجاة واحد او قوي محورية و عزوم في الاتجاهين و كذالك جميع المعلومات الهامة عن الاعمدة مدعومة بالصور

- هتتعلم برضو ازاي تصمم السلالم و قدرة تحمل السلم و تحديد الشرائح الرئيسية و الثانوية للسلم و قيم الحديد المستخدمة في كل شريحة و طريقة نقل احمال السلم في الدور سواء تم تحميل السلم علي بلاطة الدور او علي كمرات او عمود و كما انه مُرفق بالكتاب نماذج تسليح للسلالم المعتادة في المنشاءات السكنية

- هتتعلم كمان تصميم الاساسات كامله بداية من طريقة حساب قدرة تحمل التربة واهمية فرشة الخرسانة العادية كونها فرشة نضافة او يتم اعتبار وجودها في تصميم القواعد المسلحة و تصميم الاساسات السطحية من قواعد منفصلة و مشتركة و شدادات و لبشة و كيفية حساب الاجهادات المتولدة علي التربة نتيجة اللبشة و مقارنتها بقدرة تحمل التربة من اجهادات و عمل نوذج محاكي للطبيعة خاص باللبشة وكذلك تم تجميع قد كافي من المعلومات المتعلقة باللبشة و تسليحها و وصلات الحديد بها

- احنا كمان هنفكرك بحاجة مهمة جدا و هي تصميم الخلطات الخرسانية اللي بيها نقدر نحدد احنا عاوزين المقاومة المميزة للخرسانة اللي هنستخدمها في الصب تكون كام و بالتالي يكون مكوناتها ايه من رمل و زلط و اسمنت و محتوي مائي

- كمان هنعرفك ازاي تصمم الشدات الخشبية و تقدر تحسب كمية الخشب اللي المقاول المفروض يكون بيمتلكها عشان تقدر تحدد يأخد المشروع ولا لأ

- كمان هنعرفك ازاي تعمل حصر كميات دقيق لجميع مواد البناء من اسمنت و زلط و رمل و حديد عشان تورد كمياتك و انت بتصب الاسقف و الاعمدة و كمان هنعلمك ازاي تقدر تحدد معدلات استهلاكك و تشوف هل الموقع بيحصل فيه هادر كتير ولا لأ و بالتالي تعالج مشاكل اهدار المون اللي بتوردها للموقع

- مش بس كدة احنا كمان هنعلمك ازاي تعمل 3D Model ببرنامج Sap2000 للمنشأ بتاعك وتأثر عليه بأحمال جانبية زي الزلازل اللي هنعرفك ازاي تحسبها باستخدام طريقة Equivalent Static Load و طريقة Response Spectrum و بالتالي تشوف تأثير الاحمال دي عليه

- هنعلمك ازاي تحط حوائط خرسانية او اطارات ممطولية عشان تقاوم بيها تأثير الاحمال الجانبية و كمان تصمم العناصر دي باستخدام برنامج CSI Column

- بعد كل دة جمعنالك معلومات متنوعة ف التنفيذ و استلام الشدات الخشبية و اعمال البياض و الدهانات و المباني و البلاط و السيراميك و اسئلة تتكرر بكثرة للمهندس "مثل الـ 1000 طوب يحتاج كمية من الرمل و الاسمنت و بيبني كام متر مربع و جالون البلاستيك بيفرش كام متر مربع علي الحائط و انواع الفواصل الخرسانية و الجسات و الارضيات الخرسانية "و مثل هذا النوع من الاسئلة

---



رابط تحميل الكتاب

المؤلف / المهندس . محمد راضي

*