السلام عليكم و رحمة الله و بركاته...

في الحقيقة أنا هذا الموضوع هو أول موضوع إلي بالمنتدى ، و لسا يا دوب أنا خلصت تسجيل ، و بتمنى إني ما بكون تقيل علين

من زمان و أنا بشوف هالمنتدى الحلو ، و كتير أحيان غوغل بياخدني لهون ، لكن للأسف ما صرلي إني سجل من قبل، بس اليوم حسمت أمري

أنا يا شباب بشتغل بجريدة، و متل ما بتعرفو ، شغل الجريدة بيعتمد على برامج أدوبي كتير متل الفوتوشوب و الإنديزاين، و خصوصا الإن ديزاين....

بالجريدة، بشتغل على برنامج أدوبي إن ديزاين CS3 نسخة الشرق الأوسط طبعا اللي بتكتب عربي... على كمبيوتر آي ماك.

بس بالبيت أنا بشتغل على برنامج الإن ديزاين CS3 و CS5 نسخ الشرق الأوسط ، بس على البي سي ما الماكنتوش ، يعني نسخ الويندوز...

و هلأ أنا عم حاول لاقي خطوط عربية بيشتغلو مع الإن ديزاين نسخ الويندوز بس ما عم لاقي

كتير بكون شاكر إلكن إذا بتساعدوني بهالأمر يا شباب

في عندي سي دي خطوط عربية ، بس ما كل الخطوط اللي بقلبو اشتغلو ، يمكن لازم شوف خوط من نوع أوبن تايب Open Type ? أو من نوع Monotype ? يا ريت يا شباب تساعدوني بهالشي ، و بتمنى إنو بيكونو يشتغلو مع نسخ الويندوز و الماكنتوش من الإن ديزاين، بس إذا ما في مجال، خلينا نركز عالويندوز أهم .


شكرا كتير يا شباب، و بتمنى إني ما طولت عليكن



هذه الخطوط تعمل على ماكنتوش وعلى ويندوز مع انديزاين ومع الناشر الصحفي ياقوت وهي تغنيك عن أي خطوط أخرى


http://s19.alxa.net/s8/srvs1/font/AXTFont.rar